"Қыз қылығымен көрікті" тақырыбында дөңгелек үстел

Бүгін "Жетісу облысы білім басқармасының Талдықорған қаласы бойынша білімі" ММ "№ 4 орта мектеп" КММ-нің 8 "Б" сынып қыздарымен "Қыз қылығымен көрікті" тақырыбында дөңгелек үстел өтті. Мақсаты  - Қыз бала әдептіліктің, әлеміліктің, сұлулықтың жаршысы екенін түсіндіру, қыз баланың бойына ұлттық дәстүрімізді сіңіре отырып, оларды жаман әдетте аулақ болуға шақырып, кішіпейіл, инабатты, мейірімді болуға тәрбиелеу. Отырысты мектеп директорының  тәрбие ісі жөніндегі орынбасары А.Б.Сагындыкова ашып, қоғамда болып жатқан жат қылықтан арлақ болып, ұлттық дәстүрімізді, әдет-ғұрпымызды сақтап,  қыздарға тән  қарапайымдылық, сыпайылық, имандылық қасиеттерін бойымызда сақтап, ақылды, білімді болуға кеңес берді.  Мектепішілік ата-аналар комитетінің төрайымы  А.А.Бакешова қыздарға алғыр, намысшыл, білімді,  кез келген ортада өздерін жақсы ұстай білуге, үлкенді құрметеп, кішіге қамқор болуға шақырды.